Үндістан үкіметі Қазақстан азаматтарына 30 күнге дейін визалық алымсыз тегін туристік, медициналық және медициналық сүйемелдеу визаларын рәсімдеуді енгізді, деп хабарлайды Aqshamnews.kz тілшісі.
Қазақстанның Сыртқы істер министрлігі мәліметінше, бұл шешім екі ел арасындағы байланыс пен туристік алмасуды күшейту мақсатында қабылданып, дереу күшіне енеді.
Визаны екі жолмен алуға болады:
-
онлайн e-Visa жүйесі арқылы;
-
қағаз форматта Үндістанның дипломатиялық өкілдіктерінде (Астана, Алматы немесе шетелде).
Сондай-ақ, үнді азаматтары Қазақстан аумағында 14 күнге дейін визасыз бола алатыны атап өтілді. Бұған қоса, онлайн виза рәсімдеуде жалған сайттардан сақ болу керегі ескертілді.