Онлайн рәсімдеу келесі жылғы шілдеден бастап жүзеге асады.
Қазақстандықтар көліктің мемлекеттік тіркеу нөмірін екінші тұлғаға онлайн түрде бере алатын болады, деп хабарлайды Almaty-akshamy.kz
Бұл туралы цифрлық даму министрі Бағдат Мусин әлеуметтік желідегі парақшасында хабарлады.
"Бұрын көлік сатып алғанда, тіпті онлайн транзакция жасағанда жаңа иесі жаңа нөмір алу үшін мамандандырылған ХҚКО-ға келу керек болған. Енді мұндай қажеттілік жойылды. Көлік нөмірін туыстарына беру мүмкіндігін қарастырдық" - деді Бағдат Мусин.
Тағы бір жаңалық, көлік иесі тұрғылықты жерін ауыстырса көлік нөмірін де ауыстырудың қажеті жоқ. Сондай-ақ көлік нөмірін тіркеуге қажетті құжаттар саны азайтылады. Мусиннің айтуынша, дәл осы оңтайлы жоспарлар толық зерттеліп барып, іске қосылады.