Бейнежазбаны айыппұлды төлеу парақшасында сұратуға болады, деп хабарлайды aqshamnews.kz тілшісі.
Kaspi.kz Қазақстан Республикасы Бас прокуратурасының Құқықтық статистика және арнайы есепке алу жөніндегі комитетімен бірлесіп жаңа сервисті іске қосты. Енді клиенттер айыппұл салынған жол қозғалысы ережесін бұзу сәтінің бейнежазбасын көре алады.
Бейнежазбасын айыппұлды төлеу парақшасында сұратуға болады. Мемлекеттік орган сұрауды өңдегеннен кейін клиентке Kaspi.kz қосымшасында хабарлама келеді.
Бейнежазба қосымшада 7 күн бойы қолжетімді. Айыппұл төленгеннен кейін де бейнежазбаны төлемдер тарихынан көруге болады.
Жаңа сервис туралы толығырақ ақпарат — Kaspi Гидте.
Kaspi.kz туралы
Kaspi.kz миссиясы — сүйікті клиенттер мен серіктестердің өмірін жақсартатын инновациялық өнімдер мен сервистер әзірлеу.
Kaspi.kz сервистерін Қазақстан мен Түркияда 26 миллионнан астам клиент және 1 миллионға жуық серіктес пайдаланады. Қазақстанда Kaspi.kz суперқосымшасы төлемдерді, электрондық коммерцияны, онлайн-супермаркетті, финтехті, саяхатты, хабарландыруларды, мемлекеттік қызметтерді және күнделікті қолданылатын басқа да сервистерді біріктіреді.
Түркияда Kaspi.kz елдегі жетекші электрондық коммерция платформаларының бірі — Hepsiburada-ға иелік етеді.