Қазақстанда ең төменгі жалақыны 150 мың теңгеге дейін көтеру жоспарланып отыр, – деп хабарлайды aqshamnews.kz тілшісі.
Бұл туралы үкімет кулуарында ұлттық экономика бірінші вице-министрі Азамат Әмрин айтты.
"Қазіргі уақытта ең төменгі жалақы – 85 мың теңге, біз оны арттырамыз. Бүкіл әлемде ең төменгі жалақы медианалық жалақының 50 пайызы саналады, бұл – шамамен 300 мың теңге. Сондықтан біздің мақсатымыз жақын арада ең төменгі жалақыны 150 мың теңгеге дейін көтеру", - деді Азамат Әмрин.
Ол ең төменгі жалақыны көтеру уақытын нақты айта алмайтынын, бәрі бюджеттің мүмкіндіктеріне байланысты екенін атап өтті.
"Биыл түсімдеріміздің қалай болатынын көреміз. Егер бұл динамика сақталса, онда мұны жасауға қаржылық мүмкіндік болады", - деп қосты Әмрин.