Бұлар адамды қатерлі ісікке шалдықтырады.
Гастроэнтеролог Сураб Сетхи көптеген ультраөңделген тағам өнімдерінде кездесетін үш канцерогенді химиялық затты атады, деп хабарлайды aqshamnews.kz
Тартразин (E102)
Қауіпті тізімнің басында тартразин тұр, бұл – өңделген кондитерлік өнімдерде, чипстерде, құрғақ таңғы астықтарда және түрлі-түсті кәмпиттерде жиі кездесетін жасанды тағамдық бояғыш.
«Ол гиперактивтілікке, астмаға және тіпті балалардағы мінез-құлық мәселелеріне байланыстырылады. Оның қолданылуы көптеген елдерде тыйым салынған немесе шектелген, бірақ АҚШ-та әлі де жеңіл тағамдарда, сусындарда және тіпті дәрумендерде кездеседі», – дейді Сетхи.
Бутилгидрокситолуол (E321)
Бутилгидрокситолуол, немесе ионол – майлардың бұзылуына жол бермейтін консервант. Оны чипстерге, таңғы астықтарға, ет өнімдеріне, құрғақ сусын қоспаларына, десерттерге, глазурленген жемістерге және сағызға жиі қосады. Бутилгидрокситолуолды қатерлі ісік қаупі мен когнитивті функциялардың нашарлауымен байланыстырады.
Калий броматы (E924)
Калий броматы нанның құрылымын жақсарту үшін қолданылады. Зерттеулерге сәйкес, бұл қопсытқыш зертханалық егеуқұйрықтарда қатерлі ісік тудырады және адамдарда бүйрек мәселелерін туындатуы мүмкін. Калий броматы ЕО, Қытай, Канада, Ұлыбритания және Үндістанда тағам өнімдерінде қолдануға тыйым салынған.