Мәдениет және ақпарат министрлігі Қазақстанның елтаңбасын өзгерту мәселесі жақын арада қарастырылмайтынын мәлімдеді, деп хабарлайды аlmaty-akshamy.kz vlast.kz-ке сілтеме жасап.
«Мәселе күн тәртібінен шығарылды» деп хабарлады мәдениет министрлігі.
15 наурызда Ұлттық құрылтай отырысында Қасым-Жомарт Тоқаев қазіргі Елтаңбаны қабылдау тым қиын екенін және оның құрамында кеңес дәуірінің эклектикасы мен белгілері барын айтқан болатын. Ол қоғамдық талқылаулар өткізу үшін арнайы комиссия құруды, содан кейін Қазақстанның жаңа мемлекеттік елтаңбасының ең үздік эскизіне ашық конкурс жариялауды ұсынды.
Сәуір айының басында қаржы министрі Мәди Тәкиев су тасқынына байланысты елтаңбаны өзгерту туралы шешімді кейінге қалдыру керек деген пікір білдірді. Ал қаржы министрлігі құзырлы органның сауалына берген жауабында биыл Мәдениет министрлігі жаңа елтаңба шығаруға кететін шығынды жарияламағанын айтты.