Елдер әріптестігі
Елордадағы үлкен көшелердің біріне немесе даңғылға Гейдар Әлиевтің есімі беріледі. Бұл туралы Қазақстан Президенті Қасым-Жомарт Тоқаев Әзербайжан Республикасының Президенті Ильхам Әлиевпен өткен келіссөздер қорытындысы бойынша БАҚ үшін жасаған мәлімдемесінде айтты, деп хабарлайды Almaty-akshamy.kz.
«Кезінде елордамыздың бір көшесіне көрнекті мемлекет қайраткері, әзербайжан халқының біртуар перзенті Гейдар Әлиевтің есімі берілген. Қаламыз, астанамыз қарқынды дамып келеді, бірақ қазір ол көше онша үлкен емес. Сондықтан, мен елорда әкіміне елімізде шынайы құрметке ие Гейдар Әлиевтің есімімен астанамыздың бір үлкен көшесін немесе даңғылын атауды ұсыну туралы тапсырма бердім. Көше атауын лайықтырақ нысанға ауыстырамыз, бұл әбден орынды деп есептеймін», - деді Қасым-Жомарт Тоқаев.