Вагондар ТМД елдерінің темір жолдарында пайдалануға арналған.
«Өзбекстан темір жолдары» АҚ мәліметінше, Өзбекстаннан Қазақстанға жаңадан шығарылған арнайы вагондар жөнелтілді, деп хабарлайды Almaty-akshamy.kz
«Өзбекстан темір жолдары» АҚ мәліметіне қарағанда, 61-942 үлгідегі 8 жаңа арнайы вагонды тапсырыс бойынша «Ташкент жолаушылар вагондарын жасау-жөндеу зауыты» акционерлік қоғамы шығарған.
«Бұл вагондар TР TС 001/2011 техникалық регламентінің барлық талаптарына толық жауап береді. Олардың тиісті сертификаты бар. Қазақстан Ұлттық ұланы техникалық шарттар негізінде «Ташкент жолаушылар вагондарын жасау және жөндеу зауыты» басшылығымен шығарылған арнайы вагондар мен жетекші мамандардың нормативтік құжаттары негізінде жасалған вагондар Астана қаласына жеткізіліп, тапсырыс берушіге табыс етілді», - делінген хабарламада.