20 341 адам Қазақстаннан көшіп кеткен.
Ұлттық статистика бюросының мәліметіне сәйкес, 2022 жылғы қаңтар-қыркүйек аралығында Қазақстанға тұрғылықты тұруға 10 995 адам келген, деп жазады Almaty-akshamy.kz
«Елімізден 20 341 адам кетті, көші-қон айырымы – 9 346 адам. Еліміздегі негізгі көші-қон алмасуы ТМД мемлекеттерімен өтеді. ТМД елдерінен келгендердің және сол елдерге кеткендердің көшіп-қонушылардың жалпы санындағы үлесі – тиісінше 84,4% және 84,8%», - деп жазылған ақпаратта.
Республика ішінде қоныс аударатын көшіп-қонушылар саны азайған (0,7%).
Ақпаратқа сәйкес, өңіраралық қоныс аудару бойынша халық көші-қонының оң сальдосы еліміздің 3 өңірінде тіркелді: Алматы (27 741 адам), Астана (26 676 адам) және Шымкент (2 251 адам) қалалары.