Оқу бағдарламасына жасанды интеллектке қатысты 43 жаңа оқу мақсаты енгізілген, – деп хабарлайды aqshamnews.kz тілшісі.
Елімізде мектеп бағдарламасы жасанды интеллектінің дамуына сай жаңартылып жатыр. Осыған байланысты кейбір пәндердің атауы да өзгереді.
1–4-сыныптарда «Цифрлық сауаттылық» пәні «Цифрлық сауаттылық және жасанды интеллект» деп аталады.
5–11-сыныптарда «Информатика» пәні «Информатика және жасанды интеллект» болып өзгереді.
Бұл тек атаудың ауысуы емес. Оқу бағдарламасына жасанды интеллектке қатысты 43 жаңа оқу мақсаты енгізілген. Оқушылар ЖИ құралдарын дұрыс әрі қауіпсіз қолдануды, сауатты сұраныс жасауды, нәтижені сыни бағалауды, ал жоғары сыныптарда машиналық оқыту, нейрондық желілер және деректерді талдау негіздерін меңгереді.
Жаңартылған бағдарлама сынақтан сәтті өтіп, қазір ресми бекіту кезеңінде тұр.
Еліміздің мектептерінде кейбір пәндердің атауы өзгереді
