«Қазгидромет» РМК синоптиктері 30 қарашада Қазақстанның 15 өңіріне ауа райына байланысты ескерту жасады, деп хабарлайды aqshamnews.kz
30 қарашада мен 1 желтоқсанда Жамбыл облысының таулы аудандарында қатты жауын-шашын (жаңбыр, қар), көктайғақ болады деп күтіледі. Облыстың оңтүстігінде, таулы аудандарында тұман түседі. Облыстың оңтүстік-батысында, солтүстік-шығысында, таулы аудандарында оңтүстік-батыстан соққан желдің екпіні 15-20 м/с құрайды. Таразда кей уақыттарда тұман болады деп күтіледі.
Қызылорда облысының солтүстігінде, орталығында тұман, түнде көктайғақ болады деп күтіледі. Қызылорда да кей уақытта тұман түседі.
Астанада түнде және таңертең тұман болады деп болжанады. Ақмола облысының батысында, солтүстігінде, шығысында, сол секілді Көкшетау қаласында да тұман түседі.
Күндіз Алматы облысының шығысында оңтүстік-батыстан, батыстан желдің екпіні - 15-20 м/с. жетеді.
Күндіз Қарағанды облысының батысында, оңтүстігінде, шығысында көктайғақ болады деп күтіледі. Облыстың батысында, солтүстігінде, орталығында да тұман болады.
Ұлытау облысының шығысында, оңтүстігінде, орталығында көктайғақ болады деп күтіледі. Облыстың солтүстігінде, шығысында, орталығында тұман түседі.
Түнде және таңертең Ақтөбе облысының батысында, орталығында тұман түседі деген болжам бар.
Солтүстік Қазақстан облысының батысында, солтүстігінде, шығысында, сондай-ақ орталығында да тұман түседі деп болажынп отыр.
Абай облысының батысында, солтүстігінде тұман түсіп, түнде Жарма ауданында соққан жілдің екпіні 15-18 м/с-ге жетуі мүмкін.
Түркістан облысының таулы аудандарында қатты жауын жауып, қарға ұласады деп күтіледі.
Шығыс Қазақстан облысының солтүстігінде, оңтүстігін тұман тұмшалайды деген болжам бар.
Маңғыстау облысының солтүстік-шығысында, оңтүстігінде көктайғақ болуы мүмкін.
Түнде және таңертең Батыс Қазақстан облысының солтүстігінде, шығысында тұман түседі.
Атырау облысының шығысында түнде тұман болады.