"Сары" деңгейге өтуге себеп – Шанхай Ынтымақтастық Ұйымының саммиті.
Қазақстанның төрт қаласында террористік қауіптің "сары" деңгейі енгізіледі, деп хабарлайды Almaty-akshamy.kz
Ұлттық қауіпсіздік комитетінің хабарлауынша, сары деңгей 2-5 шілде аралығында Астанада өтетін Шанхай Ынтымақтастық Ұйымының саммитіне орай енгізіледі:
Жекелеген аумақтарда көлік құралдары мен жаяу жүргіншілердің қозғалысына шектеу енгізеді;
Кинология қызметінің мамандарын тарта отырып, көшелерде, алаңдарда, стадиондарда, скверлерде, саябақтарда, магистральді теміржол желілерінде, теміржол вокзалдарында, автовокзалдарда, әуежайларда, метрополитен объектілерінде, бұқаралық және жаппай іс-шаралар өтетін орындарда патрульді күшейтеді;
Жарылғыш құрылғыларды анықтау және жою бойынша террористік тұрғыдан осал объектілерге және адамдар көп жиналатын орындарға, бұқаралық және жаппай іс-шараларға қатысушылардың қозғалуларының негізгі бағдарларына тексеру жүргізеді;
Әуежайларда, метрополитен объектілерінде, теміржол вокзалдарында және автовокзалдарда жете тексеру іс-шараларын өткізу барысында арнайы техника құралдарын пайдалану арқылы режимдік шараларды күшейтеді.