Қазақстанда көлік саны артып келеді: тамыз айында 160 мыңға жуық автокөлік тіркелді, деп хабарлайды Aqshamnews.kz тілшісі.
Ұлттық статистика бюросының дерегіне сәйкес, тіркелген барлық көлік Ішкі істер министрлігінің ақпараттық жүйесіне енгізілген. Тамыз айындағы көрсеткіш бойынша көліктердің басым бөлігі жеңіл машиналар. Сонымен қатар, 9 700 жүк көлігі, 1 500 автобус және 3 500-ден астам мотоцикл тіркелген.
Қыркүйек айында Қазақстан бойынша жалпы 6,7 миллионнан астам көлік тіркелгені анықталды.
Статистикаға сүйенсек, автопарктің басым бөлігі ескі көліктерден тұрады:
-
Жеңіл көліктердің 41,5 пайызы 20 жылдан астам уақыт пайдаланылып келеді;
-
24 пайызы – 10-20 жыл аралығында;
-
10 пайызы – 7 жылдан 10 жылға дейін;
-
17 пайызы – 3 жылдан 7 жылға дейін жүрілген;
-
Ал небәрі 6,8 пайызы ғана үш жылға жуық уақыт бұрын сатып алынған жаңа көліктер.
Айта кетейік, бұған дейін елімізде 2028 жылдан бастап SOS батырмасы жоқ көліктер тіркеуге алынбайтыны туралы хабарланған болатын.