Көлік министрлігі жаңа ереже әзірлеп жатыр, деп хабарлайды aqshamnews.kz
Кептелістен шығар бір амал – келер жылдан бастап ауыр жүк көліктері үлкен жолға шыға алмайды.
Сондай-ақ қала көшелерімен жүруге де шектеу қойылады. Көлік министрлігі жаңа ереже әзірлеп жатыр. Енді жүк артқан адам да, қабылдаған бизнес нысандар да жазалануы мүмкін.
Көлік министрлігі 3 жыл бұрын салмағы 25 тоннадан асатын ауыр жүктердің қозғалысына тыйым салған. Алайда тәртіпке бағынбай, шамасынан асырып жүк артып алатындар азаймады. Бақылауды күшейту үшін енді елде 200-ден аса автоматты салмақ өлшеу жүйелері орнатылады.