Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге өтінім берді, деп хабарлайды aqshamnews.kz.
Бұл туралы АҚШ-тың Колорадо-Спрингс қаласында өткен World Boxing халықаралық бокс федерациясының конгресінде хабарланды. Сонымен қатар Қазақстанның бокс федерациясы ресми түрде World Boxing-тің толыққанды мүшесі атанғаны анықталды. Ал әлемдік ұйымның шешімі жақын арада белгілі болады.
Жиын барысында World Boxing Олимпиадалық комиссиясының төрағасы Геннадий Головкин конгресс қатысушыларын алдында сөз алып, U19 жасөспірімдер арасындағы алғашқы әлем чемпионатын және конгресті ұйымдастырғаны үшін US Boxing ұйымына алғыс білдірді.