Биыл 2 мың шақырымнан астам 11 жол учаскесіне ақы алуды енгізу жоспарланып отыр. Бұл туралы бүгін Үкімет отырысында айтылды, деп хабарлайды аlmaty-akshamy.kz.
«Қазақстандағы ақылы жолдардың тарифі басқа елдермен салыстырғанда айтарлықтай төмен. Осыған байланысты күтіп ұстауға жұмсалатын шығындарды толық өтеу үшін қолданыстағы тарифті 20 пайызға өсіру мәселесі пысықталып жатыр», - деді Көлік министрі Марат Қарабаев.
Өткен жылдың қорытындысы бойынша бұл жолдардан 30 млрд теңге жиналды. Ол қаражат жолды күтіп ұстауға, ағымдағы жөндеуге және техника сатып алуға жұмсалды.