Фестиваль тек киномен шектелмейді, мұнда технология мен шығармашылық тоғысқан жаңа медиа-кеңістік пен AI-индустрияның болашағы талқыға түседі, – деп хабарлайды aqshamnews.kz тілшісі.
2026 жылдың күзінде елорда төрінде Astana AI Film Festival @astana.aiff дүбірлі шарасы бастау алады. Бұл — жасанды интеллект күшімен жасалған кино туындылардың еліміздегі тұңғыш халықаралық додасы.
Ең бастысы — жасанды интеллект арқылы түсірілген қысқаметражды фильмдер бәйгесі. Үздік шыққандар 1 миллион доллар жүлде қорын өзара бөліспек.
Бұдан бөлек, фестиваль қонақтарын: сала мамандары бас қосатын конференция; тың идеяларды инвесторларға таныстыратын питчинг алаңы; авторлық көрсетілімдер мен еркін форматтағы пікірталастар күтеді.