Солтүстік Қазақстан өңірінде парацетамол тапшы.
Ажар Ғиният бұл мәліметті теріске шығарды.
Осы мәселеге қатысты ҚР Денсаулық сақтау министрі Ажар Ғиният ведомствоның қорытынды алқа мәжілісінен кейін БАҚ өкілдеріне елдегі парацетамолдың қоры туралы мәлімет берді, деп хабарлайды Almaty-akshamy.kz ҚазАқпаратқа сілтеме жасап.
«Солтүстік өңірлерде парацетамол тапшылығына шағымданушылар көп. Неліктен мұндай тапшылық болып жатыр?» - деп сұрады журналист министрден.
«Бүгінгі таңда парацетамол дәрісінің тапшылығы жоқ. Қазірдің өзінде бүкіл жеке дәріханалардың өзінен тиісті комитет арқылы мөлшерін сұрап, біліп отырмыз. Парацетамолдың өзінің мөлшері немесе парацетамол қосылған әртүрлі дәрілердің түрлері біздің елімізде жеткілікті», - деді Денсаулық сақтау министрі