Депутат Наурызбай Байқадамовтың пікірінше, Қазақстанның энергетика саласын дамыту шұғыл шешімдерді қажет етеді. Оның айтуынша, атом энергетикасы елімізді тұрақты энергиямен қамтамасыз ету және экономикалық тұрақтылығын нығайту жолындағы басты қадам болмақ.
«Қазақстанның дамыған елдер қатарына қосылуы үшін атом электр станциясын салу қажет. Бүгінгі таңда атом электр станциялары әлемде кеңінен пайдаланылып жатыр және бұл бағыттағы ең үздік тәжірибені таңдап, елімізге қолайлы нұсқаны жүзеге асыру – біздің басты міндетіміз», - деп атап өтті Наурызбай Байқадамов.
АЭС құрылысы арқылы елдің энергетикалық қауіпсіздігін қамтамасыз ету, экономиканың бәсекеге қабілеттілігін арттыру және қоршаған ортаға зиян келтірмейтін тұрақты энергия көзін дамыту мақсатында маңызды қадамдар жасалатын болады.