Осыған байланысты KS878 Атырау-Алматы рейсі кейінге шегерілді.
«Эйр Астана» әуе компаниясының баспасөз қызметі хабарлағандай, ұшақты тексеру кезінде қозғалтқышынан құстың қалдықтары табылды, деп хабарлайды Almaty-akshamy.kz
«Бүгін Алматы-Атырау KS877 рейсін орындаған Airbus A320 ұшағын ұшудан кейінгі тексеру барысында қозғалтқышқа құстың кіріп кеткен іздері табылды. Техникалық жағдайды бағалау үшін басқарманың жұмысы тоқтатылды», делінген «Эйр Астана» әуе компаниясының баспасөз қызметі таратқан ақпаратта.
Осы оқиғаға байланысты KS878 Атырау-Алматы рейсі кейінге шегерілді. Әуе компаниясы рейстің жай-күйін авиакомпанияның сайтынан білуді сұрайды.