Алматыда Достық үйі ғимаратының мәжіліс залында Қазақстан Республикасының Республика күнін мерекелеу шеңберінде «Елімнің еркіндігі – менің мақтанышым» тақырыбында конференция өтті.
Іс-шараға белгілі мемлекет және қоғам қайраткерлері, тарихшылар, сарапшылар, үкіметтік емес ұйымдардың өкілдері және қала жастары қатысты, деп хабарлайды aqshamnews.kz.
Іс-шараның басты мақсаты – отансүйгіштік сезімін тәрбиелеу, ұлттық сананы нығайту, елдің саяси, экономикалық, әлеуметтік және мәдени салалардағы жетістіктерін талқылау.
Республика күні мерекесі Қазақстан тарихындағы маңызды сәт — 1990 жылы мемлекеттік егемендік туралы декларацияның қабылдануын, одан кейін бұл 1991 жылы толық тәуелсіздікке қол жеткізудің алғашқы қадамдардың бірі.
«Қазақ елі егемендікке оңай жеткен жоқпыз. Осы жолда талай тағдырлы кезеңдер бар. Егемендікті ұстап тұруда оңай шаруа емес. Сондықтан әр адам ел дамуы үшін өз үлесін тигізсе, ел өркендейді. Дербестігіміз мәңгі болсын», – деді Қазақстан Жазушылар Одағының мүшесі, көрнекті қаламгер Смағұл ЕЛУБАЙ.
Жиында сонымен қатар іс-шараның түпкі мәні мен мағынасы хақында ілкімді ой-пікірлер айтылды.
«Біз өз тәуелсіздігімізді қорғауға, тұғырын биік етіп ұстап тұруға тиіспіз. Жастардың патриоттық сезімі арта берсін. Әскеріміз қуатты, рухымыз биік болсын, халқымыз бейбіт күн кеше бергей», – деді генерал-лейтенант Бексұлтан СӘРСЕКОВ.