Мемлекет басшысының Жарлығымен Президент әкімшілігінде тағайындаулар мен босатулар жүргізілді, - деп хабарлайды Аqshamnews.kz тілшісі Ақордаға сілтеме жасап.
Мемлекет басшысының Жарлығымен Тамара Босымбекқызы Дүйсенова Қазақстан Республикасы Президентінің көмекшісі лауазымынан босатылды. Оның орнына Бақытжан Шаймұхаметұлы Сапиев тағайындалды.
Сондай-ақ, Президенттің экономикалық мәселелер жөніндегі көмекшісі лауазымынан Қанат Бисимбайұлы Шарлапаев және Ернар Жеңісұлы Баспаев Қазақстан Республикасы Президентінің кеңесшісі лауазымынан босатылды.
Ал Әлихан Қайыргелдіұлы Жамсатов Қазақстан Республикасы Президенті Әкімшілігінің Мемлекеттік бақылау бөлімінің меңгерушісі лауазымына тағайындалды.
Күнсұлу Дальтонқызы Закария да Қазақстан Республикасы Президентінің ғылым және инновациялар мәселелері жөніндегі кеңесшісі лауазымынан босатылды.