Валюта айырбастау бекеттерінде доллар тағы да қымбатқа сатыла бастады. Қазіргі уақытта 1 доллардың бағасы 500 теңгеден асып кетті, деп хабарлайды aqshamnews.kz
13 наурыз, бейсенбі күні KASE-дегі сауда қорытындысы бойынша доллар бағамы 5,59 теңгеге көтеріліп, 495,28 теңгемен жабылған еді. Ұлттық банктің кешегі күнге бекіткен ресми бағамы 489,15 теңге болатын.
Енді Ұлттық банк бүгінге, яғни 14 наурызға доллар бағамын 495,28 теңге деп бекітті.
Kurs.kz мәліметі бойынша, қазіргі сағаттарда Астанада доллар орташа алғанда 495 теңгеден сатып алынып жатыр. Ал сату бағасы – 501,08 теңге.