14 тамызда Қазақстан Ұлттық банкі АҚШ долларының ресми бағамын 465,08 теңге деп белгіледі, – деп хабарлайды aqshamnews.kz тілшісі.
Бір күн бұрын ресми бағам 465,19 теңге болған. Осылайша теңге долларға шаққанда тағы 11 тиынға нығайды.
Бұған дейін, 13 тамыздағы KASE саудасында доллардың орташа өлшенген бағамы 465,08 теңге болды. Кешкі 17:00-дегі бағам 465,04 теңгені, ал жабылу бағасы 465 теңгені құрады. Бір күн ішінде доллар 464,25–465,75 теңге аралығында саудаланды. Сауда көлемі шамамен 313,9 млн доллар болды.
Теңге соңғы аптада айтарлықтай нығайды. Мәселен, 7 тамызда KASE-дегі доллардың орташа бағамы 469,93 теңге болған. Содан бері америкалық валюта 4,85 теңгеге немесе шамамен 1%-ға арзандады.
14 тамызға белгіленген ресми бағам бойынша 1 еуро – 536,52 теңге, 1 Ресей рублі – 5,56 теңге, 1 Қытай юані – 68,97 теңге.
Айта кетейік, 14 тамыздағы KASE саудасы әлі басталған жоқ: USD/KZT бойынша негізгі T+0 сауда сессиясы Алматы уақытымен 10:15–15:30 аралығында өтеді. Сондықтан бүгінгі жаңа биржалық бағам күндіз белгілі болады.