10 тамызда Алматыда өтетін әлемдік поп-дива Дженнифер Лопестің концерті тек музыка сүйер қауым үшін ғана емес, қала мәдениеті мен қоғамдық тәртіпті сақтау тұрғысынан да маңызды шара болмақ. Ұйымдастырушылар мен қала әкімдігі концертке келетін әрбір көрерменді тазалық сақтауға және қаламызға құрметпен қарауға шақырып отыр.
Концерт өтетін Орталық стадион аумағында санитарлық жағдайға ерекше назар аударылған. Іс-шара алдында «Таза Қазақстан» акциясы аясында аумақ толық тазартылып, қоқыс жәшіктері мен арнайы қалдық жиналатын орындар көбейтілді. Шара барысында да еріктілер тазалықты қадағалап, қонақтарға қажет болған жағдайда бағыт-бағдар береді.
Ұйымдастырушылардың айтуынша, көрермендердің мәдениеті – Алматының халықаралық имиджінің бір бөлігі.
«Әлемдік жұлдыздың концертіне келген әр адам өзінің тәртібімен және қоршаған ортаға деген жауапкершілігімен ерекшеленуі керек», – дейді олар.
Көрермендерге қоқысты арнайы жәшіктерге тастау, қоғамдық мүлікке зиян келтірмеу, жасыл желектерді қорғау сынды қарапайым, бірақ маңызды ережелер ескертілді. Бұл қадамдар үлкен іс-шаралар кезінде қаланың тазалығын сақтап, тұрғындар мен қонақтар үшін жайлы орта қалыптастыруға көмектеседі.
Мәдениетті көрермен – естеқаларлық мерекенің ажырамас бөлігі. Сондықтан Дженнифер Лопес шоуы тек жарқын өнерімен ғана емес, қалаға деген құрмет пен экологиялық жауапкершілік үлгісімен де есте қалуы тиіс.