Әншінің фандомына 8 жыл болыпты.
Қазақстандық әнші Димаш Құдайберген өзінің фандомының 8 жылдығына орай су жаңа әннің премьерасын жариялады, деп хабарлайды aqshamnews.kz
Құдайберген өз жанкүйерлеріне арнаған үндеуінде 30 қаңтар мереке екенін айтты.
"Құрметті достар, менің сүйіктілерім Dears! Бүгін 30 қаңтар – біздің ортақ мерекеміз. 2017 жылғы сол бір есте қаларлық күннен бастап, сіздерге алғаш рет осылай Dears деп атағаныма бүгін 8 жыл толып отыр. Осы жылдар ішінде біз концерттік турларыммен Қазақстаннан бастап Азия, Америка, Еуропаға дейінгі көптеген қалалар мен елдерді араладық… Сіздердің ерекше ықыластарыңыз бен қолдауларыңыз үшін, менің шығармашылығыма қызығушылық танытып, маған сенім артқандарыңыз үшін сіздерге айтар алғысым шексіз",- деп жазды ол.
Әрі қарай әнші мерекеге орай жаңа әннің премьерасын жариялады.
"7 наурызда әлемге әйгілі композитор және продюсер Вальтер Афанасьевтің жетекшілігімен халықаралық авторлар ұжымы жасаған туындыны жарыққа шығарамыз. Бұл "Love’s not over yet" әні. Сіздерге ұнайды деген үміттемін!", деп жазды Димаш Құдайберген.