21 қыркүйекте сағат 10:00-ден 19:00-ге дейін Панфилов көшесі нағыз болашақ зертханасына айналады, деп хабарлайды aqshamnews.kz
Қала күніне орай ауқымды Digital Fest Almaty қала тұрғындарына басты кейіпкерлерге айналған роботтарды, ондаған цифрлық аймақ мен кескіндеме ұсынады.
Қонақтарды бір сәтте портрет салып беретін суретші-робот, фотограф-робот пен оператор-робот қарсы алады. Цифрлық кейіпкерлер көшені технология мен мәдениет өзара ұштасқан интерактивті алаңға айналдыру арқылы кеңістікті жандандыра түседі.
Роботтардан басқа, қонақтарды дрондармен және инновациялық шешімдермен «Болашақ саласы», Алматы символы – цифрлық алма, VR-ойындар мен жарқын фотоаймақтар күтеді.
Digital Fest Almaty – балалармен бірге уақыт өткізіп, оларды технология әлемімен таныстыруға, интерактивті ойындарға қатысуға және мерекенің ахуалын сезінуге арналған орын. Сіздер инновацияны ғана емес, мерекелік көңіл-күй сыйлайтын өнерпаздардың өнерін де тамашалайсыздар.