Aladop.kz мәліметіне сәйкес, әлемге әйгілі футболшы әрі кәсіпкер Дэвид Бэкхемнің басқаруындағы компания Қазақстанның елордасы – Астанадағы «Жеңіс» футбол клубын сатып алуға қызығушылық танытуда, деп хабарлайды aqshamnews.kz
Бұл шешім Орталық Азиядағы футбол клубтарын сатып алуды жоспарлаған американдық инвесторлар тобының ұзақ уақыттан бері талқылап келе жатқан стратегиясының бір бөлігі болып табылады.
«Интер Майами» клубының басқарушы компаниясының Қазақстандағы клубқа назар аударуына бірнеше себеп бар. Біріншіден, Астана қаласының географиялық орналасуы өте қолайлы. Бас шаһарға әлемнің кез келген түкпірінен ұшақтар қатынайды, бұл қаланың халықаралық спорттық іс-шаралар үшін стратегиялық маңызды орталыққа айналуына ықпал етеді.
Екіншіден, Астанада заманауи «Астана арена» стадионының болуы да маңызды фактор. Бұл стадион Чемпиондар лигасы мен басқа да халықаралық турнирлерді өткізу үшін лайықты алаң болып табылады.
Ең маңызды факторлардың бірі — «Жеңіс» футбол клубының болашақта Чемпиондар лигасына қатысу мүмкіндігі. Бұл, өз кезегінде, клубтың халықаралық деңгейдегі танымалдылығы мен қаржылық тұрақтылығын арттырады.
Қазіргі уақытта «Жеңісті» сатып алу бойынша ауызша келіссөздер жүргізіліп жатқан көрінеді, бірақ нақты шешім мен ресми келісімдер әлі бекітілмеген. Бұл жаңалық қазақстандық футболдың болашағы мен оның халықаралық аренада танылуына үлкен әсер етуі мүмкін.