Депутаттыққа кандидаттардан 166 талап-арыз түскен

Депутаттыққа кандидаттардан 166 талап-арыз түскен Сурет: Gov.kz

Бұл туралы Орталық сайлау комиссиясының мүшесі Асылбек Смағұлов мәлімдеді.


Мәжіліс пен мәслихат депутаттығына кандидаттар сотқа 166 талап-арыз берген, деп хабарлайды Almaty-akshamy.kz


Смағұлов сайлау процесінде туындаған даулар сот тәртібі арқылы да шешілгенін атап өтті.



"Соттарға мәжіліс пен мәслихат депутаттығына кандидаттардан барлығы 166 талап-арыз түскен. Оның ішінде Жоғарғы соттың қарауына – 55, мамандандырылған ауданаралық әкімшілік соттарға – 104 және аудандық соттарға 7 талап-арыз берілді", - деді Ол Орталық сайлау комиссиясының отырысында.



Айтуынша, 166 талап-арыздың 82-сі мәжіліс депутаттығына кандидаттардан, ал қалған 84-і мәслихат депутаттығына үміткерлерден түскен.



"Бүгінде соттарда 164 талап-арыз қаралды. Оның ішінде 49-ы қанағаттандырылды, 84 талап-арызды соттар қанағаттандырудан бас тартты, 15 талап қоюшы арызын кері қайтарып алды, ал 16 арызды сот қараусыз қалдырды", - деді Смағұлов.



Қазір соттардың қарауында мәжіліс пен мәслихат депутаттығына кандидаттардан екі талап-арыз жатыр. Сондай-ақ округтік комиссиялардың шешімімен мәжіліс депутаттығына 6 кандидаттың құқығы қалпына келтірілді.


Сотқа түскен 166 талап-арыздың ең көбі кандидаттар ұсынған активтер мен міндеттемелер туралы декларациялардағы мәліметтердің дұрыс болмауына байланысты болған.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

20:01

19:23

18:33

18:29

18:29

17:55

17:46

17:38

17:25

17:18

16:51

16:36

16:33

16:01

15:55

15:48

15:20

15:05

14:48

14:35

14:29

14:25

14:15

13:23

13:00