19-26 шілде аралығында қалада қандай іс-шаралар өтеді? Қайда барып демалуға болады? Толығырақ Аqshamnews.kz материалында.
Концерттер
Осы демалыста бірнеше концерт жоспарланған:
-
19 шілдеде электрон музыка жанкүйерлеріне арналаған Şien фестивалі өтеді. Онда Германиядан келген Phase Fatale, испаниялық, португалиялық Violet, дубайлық Secta шоукейсі, сондай-ақ қазақстандық Nazira, VIHOD, JILT, Nurboogie, Aidar, Alta, Sarah Baid орындаушылар өнер көрсетеді. Билеттерді мына жерден ала аласыздар.
- 19 шілдеде Qunar Etno Fest өтеді. Онда Alem, Ayau мен Steppe Sons өнер көрсетеді. Билеттерді мына жерден ала аласыздар.
- 19 шілдеде Moldanazar тобының жеке концерті өтеді. Бұл топ өзінің қайталанбас стилімен, түрлі жанрларды шебер түрде үйлестіре білуімен танымал. "Қош бол", "Ақпен бірге", "Махаббатым" сынды әндерді тыңдағыңыз келсе, билеттерді мына жерден алып алыңыз.
- 24-27 шілде аралығында жыл сайынғы ашық FOURE фестивалі өтеді. Онда шығармашылық шеберлік сабақтары, психология мен даму тақырыбындағы дәрістер мен тренингтер, спорт туралы дәрістер, отандық және шетелдік әртістердің концерттер өтеді.
- 24 шілдеде Алматыға танымал ресеййлік топ Quest Pistols келеді. Топтың "Ты так красива", "Я устал", "Белая стрекоза любви" сынды әндері бар.
Кино
Алматыда 19-26 шілде аралығында қыдыратын орындардан бөлек, "Смурфики кинода", "Супермен" мен "Байдың баласы" фильмдерін тамашалауға болады.
Бұдан басқа
Дүйсенбі-жұма аралығында Шәкен Айманов атындағы "Қазақфильм" ұлттық киностудиясында экскурсия жасалады. Сағат 9:00-17:00 аралығында киностудия аумағын аралап, тарихымен таныса аласыздар.
22, 23 шілдеде Роза Әшірбаева aka Roza coach және Перизат Мырзахмет бірігіп, сіздердің кейстеріңізді талқылап, сұрақтарыңызға жауап тауып, кеңес береді. Билеттер мына жерде.