Қазгидромет синоптиктері 12, 13 және 14 шілдеге арналған ауа райы болжамын ұсынды, - деп хабарлайды aqshamnews.kz.
Қазақстанның басым бөлігінде атмосфералық фронталь бөліктер өтуіне байланысты жаңбыр жауып,найзағай ойнайды. Елдің солтүстігі мен шығысында қатты жаңбыр, бұршақ және дауыл болуы мүмкін.
Тек оңтүстік, оңтүстік-батыс аймақтарда, сондай-ақ 12 шілдеде батыс өңірде жоғары қысым алабының әсерінен күн ашық әрі ыстық болады. Республика бойынша желдің күшеюі болжанып отыр.
"Республиканың батысында күндіз 35-39 градусқа дейін қатты ыстық, кей жерлерде аптап ыстық 40-42 градусқа жетеді. 12-13 шілдеде оңтүстік-батыста 39-44 градусқа дейін аптап ыстық, 14 шілдеде 38-42 градус аралығында болады. Солтүстік аймақтарда күндізгі температура сәл төмендеп, 17-25 градустан 15-23 градусқа дейін түседі. Шығыста орташа температура 22-30 градус аралығында, оңтүстікте 40-43 градусқа дейін, ал оңтүстік-шығыста 35-38 градус аралығында аптап ыстық күтіледі", - деп жазылған хабарламада.