Синоптиктер 14-16 ақпан аралығында ел аумағында күн райы қандай болатынын болжады, деп хабарлайды aqshamnews.kz "Қазгидромет" РМК-ға сілтеме жасап.
Метеорологтардың мәліметінше, алдағы күндері Қазақстан аумағының басым бөлігінде антициклон жотасының әсерінен жауын-шашынсыз күн райы сақталады.
15 ақпаннан бастап республиканың батысына солтүстік-батыс циклоны ығыса бастайды. Ол шығыс бағытта жылжи отырып, жауын-шашынға (жаңбыр, қар) боранға, сондай-ақ бүкіл ел бойынша ауа температурасының біртіндеп жоғарылауына себеп болады.
Ал елдің оңтүстігі мен оңтүстік-шығысында оңтүстік циклондарының әсерінен жаңбыр, қар жауып, бүкіл кезең бойы тұрақсыз күн райы сақталады. 14-15 ақпанда бұл өңірлерде қатты жауын-шашын күтіледі.
Сонымен қатар республика бойынша жел күшейіп, көктайғақ болып, тұман түсуі ықтимал.