Өткен жылы Нұрасыл Болат бұзақылық ниетпен қасақана екі адамның денсаулығына орташа зиян келтірді деп айыпталған болатын.
2023 жылдың қазан айында сот бұл іс бойынша үкім шығарып, депутат Дәулет Тұрлыхановтың ұлына 1 725 000 теңге көлемінде айыппұл салды.
Сонымен қатар зардап шеккендердің пайдасына 1 млн теңге көлемінде моральдық өтемақы өндіруге шешім шығарған.
Бүгін заңгер Анна Дмитриевич әлеуметтік желідегі парақшасында Жоғарғы соттың істі қайта қарап, Нұрасыл Болат 2 жылға бас бостандығын шектеу жазасын алғанын жазды.
Бұл оның шетелге шығуына, клубтар мен барларға баруына, ішімдік ішуіне және басқа да қылмысқа баруға болмайтынын білдіреді. Ол пробация қызметіне хабарлап, күн сайын сағат 23:00-де үйінде болуы керек, - деп жазды Димитриевич.