Қазақстан құрамасы іріктеу алдында форвардсыз қалды, деп хабарлайды Аqshamnews.kz тілшісі.
"Қайрат" шабуылшысы Дастан Сәтпаев жарақатына байланысты ұлттық құраманың алдағы оқу-жаттығу жиынына қосылмайды және 2026 жылғы әлем чемпионатының қазан айындағы іріктеу матчтарына да қатыса алмайды. Жас ойыншы шап тұсынан жарақат алған.
Сәтпаев кейінгі рет 5 қазанда Премьер-лигада кейінге қалған ойында "Жетісуға" қарсы толық 90 минут алаңда болып, кездесуде "Қайрат" 5:0 есебімен жеңіске жеткен.
Еске салайық, Қазақстан құрамасы қазанда екі маңызды ойын өткізеді: 10 қазанда өз алаңында Лихтенштейнді қабылдайды, 13 қазанда сырт алаңда Солтүстік Македониямен кездеседі.
