Солардың бірі «тәулігіне бір рет болса да сорпа ішу» керек деп санайтындар аз емес. Тамақтану рационына келгенде адамдардың көбі сұйық тамақ, нақтырақ айтқанда сорпа ішкен пайдалырақ деп санайды. Бұны жоққа шығарудан аулақпыз. Дегенмен, дәрігерлер бұл – қатып қалған заңдылық емес екенін айтады, деп хабарлайды Almaty-akshamy.kz.
«Бұл миф бізге бала кезден таныс. Сорпа арқылы иә, біз талшық аламыз, біз су аламыз, бірақ егер сіз талшық пен суды басқа жолмен алсаңыз, онда сорпа ішпей-ақ қойғанда тұрған ештеңе жоқ. Біз бұқтырылған тағамды немесе басқа тағамды жеп, артынан су немесе басқа бір сұйықтық ішсек, асқазанда біздің ағзамызға қажет сорпа бар деп санай беруге болады», - деді гастроэнтеролог Валерия Антюфеева Ресейдің Бірінші арнасының «Қайырлы таң» бағдарламасында.
Екінші миф – ары-бері өткен сайын, аз-аздан жиі тамақтану. Басқаша айтқанда, тіскебасарларды жей беру. Көпшілік мұның денсаулық үшін зиянын айтса, дәрігер мұндай әдеттің пайдалы тұсы да барын айтты.
«Дәрігерлер өт дискинезиясы кезінде өт толып қалғанда, оның жұмысын жақсарту үшін жиі тамақтануды ұсынады, өттің «жалқауланбай» және жаман өт іркілісінің сыртқа шығару үшін ауыздың тынбағаны да жақсы», – деді маман.
Дәрігерлер аз-аздан жиі тамақтану үшін сусындар, жемістер-жидектер мен көгөністер тұтынуды ұсынады.