Мамандар керек кеңестер беріп, қажетті ем-дом тағайындады.
№10 қалалық емхана мамандары Алматы қаласы «Шаңырақ» әлеуметтік қызмет көрсету орталығының басшылығымен бірлесіп, осы мекеменің аталған емханада тіркелген 306 тұрғынын профилактикалық тексеруден өткізді, деп хабарлайды Almaty-akshamy.kz
«Шаңырақты» жалғызілікті қарттар, мүмкіндігі шектеулі жандар мекен етеді. Оларға кардиолог, офтальмолог, эндокринолог, маммолог, уролог, невропатолог, инфекционист, хирург және дерматолог дәрігерлер арнайы барып, денсаулығын тексеріп, керек кеңестер беріп, қажетті ем-дом тағайындады.
Орталық тұрғындары №10 қалалық емхана басшылығына, клиникалық диагностикалық көмек беру бөлімінің меңгерушісі Г.Бөгенбаеваға, сондай-ақ іс-шараға қатысқан барлық маман-дәрігердің жұмысына жоғары баға беріп, кәсіпқойлығы, әр пациентке қамқорлығы мен көңіл бөлгені үшін алғысын білдірді.