Ет пен сүттің көп мөлшері бүйрекке зиян. Уролог Гурген Мартиросянның айтуынша, бұл өнімдерді шамадан тыс тұтынудан бүйректе тас пайда болуы мүмкін, - деп хабарлайды Аqshamnews.kz тілшісі.
Gazeta.Ru басылымының мәліметінше, бұл өнімдерде ағзаға пайдалы ақуыздар мен басқа да қажетті заттар бар. Алайда оларды сұйықтықпен және талшыққа бай тағамдармен (көкөніс, дәнді дақылдар) бірге тұтыну маңызды. Себебі ет пен сүт дұрыс қортылмаса, несеп қышқылы көбейіп, бүйрекке тас жиналу қаупі артады.
Әсіресе ер адамдар мен ішек ауруларына бейім жандарға абай болу керек.
Дегенмен дәрігер қызыл ет пен сүтті толық шектеуді ұсынбайды. Керісінше, күнделікті рационға көкөністі көбірек қосып, су ішуді ұмытпау - денсаулықты сақтаудың қарапайым әрі тиімді жолы.
Етті көп жеудің тағы қандай зияны бар?
- Бүйрекке салмақ түсіреді;
- Жүрек-қан тамыр жүйесіне зиян;
- Ішекке ауырлық түсіреді;
- Қатерлі ісік қаупі;
- Артық салмақ.