Дүние жүзінде вирус тарала бастағаннан бері инфекция жұқтырған 5 021 452 адам қайтыс болды.
Американдық Джонс Хопкинс университетінің мәліметтері бойынша бейсенбі күні таңертең әлемде COVID-19 коронавирусын жұқтыру саны 248 080 479-ға жеткен, деп хабарлайды Almaty-akshamy.kz INTERFAX.RU агенттігіне сілтеме жасап.
COVID-19 инфекциясын жұқтыру көрсеткіші 20 миллионнан асқан елдерге АҚШ, Үндістан және Бразилия кіреді.
Вирус жұқтырған және қайтыс болған адамдар саны бойынша АҚШ алғашқы орында тұр, онда COVID-19 жұқтырған 46 252 513 адам анықталған. Қайтыс болғандар саны 750 423 болды.
Вирус жұқтырғандар саны бойынша екінші орында Үндістан тұр, онда COVID-19-дың расталған жағдайы 34 308 140-қа жеткен, сол вирустың кесірінен қайтыс болғандар саны 459 191 адам.
Әлемде коронавирустың таралуы бойынша үшінші орында Бразилия тұр, онда пандемия кезінде вирус жұқтырған 21 миллион 835 785 адам тіркеліп, оның 608 235-і қайтыс болды.
Әлемдегі ең маңызды оқиғалардың статистикасын жасауға маманданған Worldometers порталының мәліметінше, бүгін таңертеңгі жағдай бойынша әлем халқының 1 миллионына шаққандағы өлім көрсеткіші 646,2 болған. АҚШ-та 1 миллион тұрғынға шаққанда 2311 адам, Үндістанда - 329, Бразилияда - 2835 адам қайтыс болған.