Футболдағы Челси дәуірі.
Ұлыбританиялық «Челси» испаниялық «Вильярреалды» жеңіп, УЕФА суперкубогын иеленді, деп хабарлайды Almaty-akshamy.kz. Almaty.tv-ға сілтеме жасап.
Солтүстік Ирландияның Белфаст қаласындағы «Уиндзор Парк» стадионында өткен кездесудің негізгі уақыты 1:1 есебімен аяқталды. Хаким Зиештің голына (27-минутта) испандар Жерар Мореноның дәл соққысымен (73-минутта) жауап берді.
Берілген қосымша уақытта командалар алға шыға алмады. Нәтижесінде жеңімпаз пенальти сериясында анықталды.
Есеп бойынша, «Челси» ойыншылары 6:5 есебімен жеңіске жетті.
Айта кетейік, өткен маусымда «Челси» Чемпиондар лигасында топ жарған, ал «Вильярреал» Еуропа лигасын жеңіп алған еді.