Елде шегірткенің қаптауы вице-премьерді таңғалдырды.
Серік Жұманғарин елде дернәсілдердің қаптауына байланысты шұғыл шара қабылдауды тапсырды, деп хабарлайды Almaty-akshamy.kz
Премьер-министрдің орынбасары Серік Жұманғарин 9 маусымда министрлер кабинетінде өткен отырыста елімізде шегірткелердің қаптауына байланысты таңғалысын жеткізді. Айтуынша Қазақстанда бұрын-соңды олардың мұндай көп шегіртке болмаған.
"Шегірткенің бұлай таралуы бұрын-соңды болмаған. Оның таралу қарқынын дұрыс бағаламай отырмыз. Ауыл шаруашылығы министрлігінің мемлекеттік инспекциясы комитетіне барлық рәсімдік мәселелерді дереу аяқтауды және барлық қажетті техниканы қажетті өңірлерге жіберуді тапсырамын. Штаб отырыстарына аптасына екі рет барамыз", - деді Серік Жұманғарин.