«Таза Қазақстан» тұжырымдамасы аясында қатысушылар көл маңындағы аумақты тазартты, деп хабарлайды aqshamnews.kz тілшісі.
«Бурабай» мемлекеттік ұлттық табиғи паркінде «Мәдени мұраны бірге сақтайық» республикалық акциясы өтті. Іс-шараны Мәдениет және ақпарат министрлігінің қолдауымен Азаматтық бастамаларды қолдау орталығы мен Қазақстанның Азаматтық Альянсы ұйымдастырды.
«Таза Қазақстан» тұжырымдамасы аясында қатысушылар көл маңындағы аумақты тазартты.
Акция табиғи және тарихи-мәдени мұраны сақтауға, табиғатқа ұқыпты қарауға және вандализмнің алдын алуға бағытталды.
Іс-шараға волонтерлер, экология бағытындағы инфлюенсерлер, азаматтық қоғам өкілдері мен MADENI MURA клубының мүшелері қатысты. Сондай-ақ бастамаға Бурабай ауданындағы «Жасыл ел» жастар еңбек жасақтары мен «Жасыл ел» республикалық штабының өкілдері қосылды.
Мұндай бастама табиғат пен тарихи мұраны сақтауға қоғамды жұмылдырып, ұлттық құндылықтарға жанашырлықпен қарауға ықпал етеді.