30 наурыз қандай күн?
Ерекше әрі бейресми мереке болғанмен, бұл күн бүгінгідей таңның атысынан кеш батқанша жұмыстан бас ала алмай, қайнап жатқан тіршілікте демалуға қолы қалт ете бермейтіндер үшін өте маңызды. Саябақта серуендеу күні (Take a Walk in the Park Day) жыл сайын 30 наурыз күні атап өтіледі, деп хабарлайды Almaty-akshamy.kz тілшісі.
Бұл күннің басты мақсаты –қарапайым әрі үйреншікті болып кеткендей болып көрінетін демалыс түріне барлық қала тұрғындарының назарын аударту.
Жасыратыны жоқ, мегаполистердің және қарапайым қалалардың көптеген тұрғындары таза ауада демалу және күш пен қуат алу үшін табиғатқа немесе қалаға үнемі баруға мүмкіндігі жоқ. Қазіргі әлемде өмір сүретін адамдар үшін объективті шындығы - ол өмірдің өте жоғары қарқынмен дамуында және өтіп жатқандығында, бұл жүйке жүйесіне және жалпы денсаулық жағдайына әсер етпей қоймайды.
Статистика көрсеткендей, жүйелі түрде қайталанатын күйзеліс пен депрессия қалалық тұрғынның жүйке жүйесінің тұрақты сипаттамасына айналды. Бірақ күніне 30 минут серуендеу, дәрігерлердің пікірінше, денсаулыққа үлкен пайда әкелуі мүмкін – тек калорияларды азайту және салмақ жоғалту тұрғысынан ғана емес, сонымен қатар иммунитетті көтеру, семіздік, 2 типті қант диабеті және кейбір қатерлі ісік түрлерінің қаупін азайту. Сондай-ақ, бұл жүрек белсенділігін арттыруға және қан қысымын төмендетуге көмектеседі.
Британдық дәрігерлердің пікірінше, табиғат аясында уақыт өткізу (соның ішінде, саябақта) адам ағзасын қалпына келтіруге септігін тигізеді. Бұл әсерді шопингке немесе киноға барумен салыстыруға келмейді.
Шулы магистральдар мен қаланың шаң-тозаңынан әрірек орналасқан саябақтарда серуендеу көңіл-күйді жақсартып, күйзелісті түсіреді. Зерттеулер бойынша, жаяу жүретін немесе жасыл желек аймақтарында серуендейтін адамдар бұлай жасамайтын адамдарға қарағанда өздерін әлдеқайда бақытты сезінеді екен.
Сол себепті, денсаулық пен сергек көңіл-күйді қолдайтындар қатарынан болсаңыздар, саябақта серуендеуге шығыңыздар! Серуенге шықпас бұрын оған дайындық ретінде ауа райы болжамына қарауды ұмытпаңыздар!