Оңтүстік аймақта күн жылы.
Қазгидромет 11 ақпанға арналған ауа райы болжамын жариялады, деп хабарлайды Almaty-akshamy.kz
Еліміздің батысында, солтүстік-батысында және солтүстігінде антициклон ауа райын қалыптастыра бастайды, бұл жауын-шашынның тоқтап, ауа температурасының төмендеуіне әкеледі, деп болжады синоптиктер. Циклон және онымен байланысты атмосфералық фронттар Қазақстанның қалған аумағына ықпалын жалғастырады – жаңбыр, қар жауады, республиканың шығысында қатты жауын-шашын болады. Батыста, солтүстікте, шығыста көктайғақ, тұман, желдің күшеюі, орталықта бұрқасын күтіледі.
Мегаполистердегі ауа райы
Астана: көшпелі бұлтты, жауын-шашынсыз. Батыстан соғатын жел 5-10 м/с. Ауа температурасы түнде 20-22, күндіз 15-17 градус аяз.
Алматы: көшпелі бұлтты, жауын-шашынсыз. Оңтүстік-шығыстан 3-8 м/с жел соғады. Ауа температурасы түнде 0-2, күндіз 11-13 градус жылы.
Шымкент: көшпелі бұлтты, жауын-шашынсыз. Оңтүстік-батыстан соғатын жел солтүстік-шығыстан 8-13, күндіз екпіні 15-20 м/с. Ауа температурасы түнде 3-5, күндіз 16-18 градус жылы.