Бүгін Париждегі "Шатле" театрында "Алтын доп" марапатының иегерлері анықталады. Салтанатты кеш түнгі сағат 00:45 шамасында басталады, деп хабарлайды aqshamnews.kz
Шарада түрлі санат бойынша ерлер мен әйелдер арасында үздік ойыншылар мен мамандар марапатталады. Марапаттар төмендегі санаттар бойынша табысталады:
- "Алтын доп" — жылдың үздік футболшысы
- Үздік жас ойыншы — жас таланттарды тану
- Лев Яшин жүлдесі — ең үздік қақпашы
- Үздік бапкер — команданы үздік басқарған маман
- Үздік клуб — жылдың ең үздік футбол клубы
- Үздік сұрмерген — чемпионаттың үздік гол соғар ойыншысы
- Сократес трофейі — футболдағы әлеуметтік мәселелерге белсенді қатысқандарға берілетін жүлде
Бұл кеш әлем футболының ең үздік өкілдерін бір сахнада жинайтын ерекше оқиға. Шараның нәтижелері әлем бойынша жанкүйерлер мен футболсүйер қауымның назарын аударады.