Синоптиктер Алматы мен тағы үш қала тұрғындарына үндеу жолдады, деп хабарлайды aqshamnews.kz
"2025 жылғы 30 маусымда Алматыда, Ақтөбеде, Атырауда және Петропавлда қолайсыз метеорологиялық жағдайлар (ЖМҚ) күтіледі", деп ескертті "Қазгидромет" РМК мамандары.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы.
ҚМЖ жағдайында қала тұрғындарына ашық ауада, әсіресе тас жолдар немесе басқа ластаушы көздер жанында уақытты қысқартуға кеңес беріледі. Ал созылмалы өкпе, жүрек-қан тамырлары аурулары, аллергиялық аурулармен ауыратын адамдар далада жүргенде өздерімен бірге қажетті дәрі-дәрмектерді алып жүруі керек.