"Қазгидромет" синоптиктері 28 қаңтарға арналған ауа райы болжамын жариялады, - деп хабарлайды aqshamnews.kz тілшісі.
Алматыда ауа райы құбылмалы бұлтты болады, күндіз жауын-шашын (жаңбыр, қар) күтіледі. Кей уақытта тұман түсіп, жолдарда көктайғақ болады. Желдің жылдамдығы 3–8 м/с.
Ауа температурасы түнде -4…-6°С, күндіз 0…+2°С болады.
Метеорологтардың дерегінше, елдің солтүстік және орталық өңірлерінде қар жауып, бұрқасын соғады. Оңтүстік пен оңтүстік-шығыста жаңбыр аралас қар күтіледі, ал батыс аймақтарда ауа райы салыстырмалы түрде тыныш болады.
"Республика бойынша жел күшейіп, тұман түсуі ықтимал. Ал оңтүстікте, оңтүстік-батыста және оңтүстік-шығыста көктайғақ болады, бұл жолдарды ерекше тайғақ етеді", - делінген "Қазгидромет" РМК баспасөз қызметінің хабарламасында.
Сонымен қатар, түнде Маңғыстау облысының солтүстік-шығысында өте қатты аяз күтіледі.