Ол үшін жаңадан «Qoldau» ақпараттық жүйесі іске қосылды. Оған 24 мемлекеттік органның базасы біріктірілген.
Алматы қаласы бойынша Мемлекеттік кірістер департаментінің мәліметінше, азаматтар жүйенің көмегімен банкрот мәртебесіне өтініш беріп, талаптарға сәйкестігін автоматты түрде тексере алады, деп хабарлайды almaty-akshamy.kz.
Порталдың тағы бір артықшылығы – жеке тұлғаға өтініші мақұлданбаған жағдайда себебі мен қандай деректерді түзету қажеттігі туралы хабарлама келеді. Шілде айындағы ақпарат бойынша Алматы қаласында банкроттыққа 9 мыңға жуық өтініш түскен. Оның 6,5 мыңнан астамы қабылданбаған. Ал 730 өтініш бойынша соттан тыс банкроттық рәсімі басталды. 1400 азамат банкрот деп танылды.
Айдос Бұдұгұлов, Алматы қаласы бойынша Мемлекеттік кірістер департаментінің басқарма басшысы:
Күн ішінде өтінім қарастырылып, шешім шығады. Талаптарға сай болатын болса, банкроттық рәсімі басталу туралы және ол рәсім 6 ай ішінде жүргізіліп, 6 айдан кейін нақты банкроттық туралы шешім шығарады. Өтінім бойынша кері қайтарылған болса, 3 айдан кейін қайта өтініш беруге құқығы бар.
