Батыс Қазақстан облысында ауа райының қолайсыздығына байланысты республикалық маңызы бар екі тасжол учаскесінде барлық көлік түрі үшін қозғалыс уақытша шектелді, деп хабарлайды Aqshamnews.kz тілшісі.
Қай бағыттар жабылды:
-
Казталовка – Жәнібек – РФ шекарасы: Казталовка ауылынан Жәнібек ауылына дейінгі 0–158 км аралығы сағат 11:00-ден бастап жабық.
-
Өнеге – Бисен – Сайқын: Өнеге ауылынан Сайқын ауылына дейінгі 0–103 км учаскесі сағат 12:00-ден бастап жабылды.
Жолдарды қайта ашудың болжамды уақыты — 1 ақпан, 18:00. Дегенмен мерзім ауа райына қарай өзгеруі мүмкін.
Маңғыстаудағы ахуал: бұған дейін «Доссор – Құлсары – Бейнеу – Шетпе – Жетібай – Ақтау» тасжолының Шетпе мен Жетібай аралығындағы 632–718 км бөлігі жабылған. Аталған учаскені 1 ақпан сағат 11:00-де қайта ашу жоспарланған.
Жолға шығар алдында: жолдың ашық-жабықтығын нақтылау үшін тәулік бойы жұмыс істейтін 1403 байланыс орталығына хабарласып немесе Sapar қосымшасы арқылы тексеруге болады.