Ауданда 7 жерүсті, 12 жерасты өткелі бар.
Жыл сайын оларға қызмет көрсетуге шамамен 60-70 млн. теңге бөлінеді, деп хабарлайды Almaty-akshamy.kz.
Алматы әкімі Ерболат Досаевтың Бостандық ауданы тұрғындары мен өткен кездесуінде жерүсті өткелдерінде мүмкіндігі шектеулі адамдардың лифтілер мен пандустарды пайдалану мәселесі көтерілді.
«Наурыз-сәуір айларында тексеру жүргізіліп, жерүсті және жерасты өткелдеріндегі 2 көтергіштің (Әл-Фараби-Гагарин, Әл-Фараби-Ремизовка) ақауы бар екені анықталды. Лифтілер мен көтергіштерді жөндеуге биыл 6 млн.теңге бөлінді. 1 қарашаға дейін қалпына келтіру жұмыстарын аяқтаймыз», - деді қала әкімі.
Көтергіштерді қолжетімді ету мақсатында мұқтаж адамдарға арнайы кілттер әзірленді.