Ресейдің Иваново облысында Ан-22 ұшағы апатқа ұшырап, бортта болған жеті адамның тағдыры анықталып жатыр, деп хабарлайды Аqshamnews.kz тілшісі ТАСС агенттігіне сілтеме жасап.
Төтенше жағдай орнына құтқару қызметтері жедел жеткен. Алғашқы мәлімет бойынша, ұшақ Уводь су қоймасының маңына құлаған. Оның сынықтары су бетінен табылды.
Ан-22 ұшағы жөндеуден кейін жоспарлы сынақ рейсін орындап жүрген. ТАСС дерегінше, апат дәл осы сынақтық ұшу кезінде болған.
Айта кетейік, бұған дейін, қараша айында Ресейде Су-30 әскери ұшағы құлап, оның экипажындағы екі адам қаза тапқан еді.